ഗവര്‍ണര്‍ ആരിഫ് മുഹമ്മദ് ഖാന്റെ മാധ്യമ വിലക്കിനെതിരെ ശക്തമായ നിലപാടുമായി സിപിഎം സംസ്ഥാന സെക്രട്ടറി എം വി ഗോവിന്ദൻ. ഇന്നലെ എറണാകുളത്ത് വിളിച്ചു വരുത്തിയ ശേഷം കൈരളി, മീഡിയ വണ്‍ മാധ്യമ പ്രവര്‍ത്തകരെ വാര്‍ത്താ സമ്മേളനത്തില്‍ നിന്നും ഇറക്കിവിട്ട ഗവര്‍ണറുടെ നടപടി ജനാധിപത്യ വിരുദ്ധമാണെന്ന് എം വി ഗോവിന്ദന്‍ പറഞ്ഞു.
ഗവര്‍ണര്‍ സമനില തെറ്റിയവനെ പോലെ പെരുമാറുന്നു. ഭരണഘടനാപരമല്ലാത്തതും നിയമവിരുദ്ധവുമായ ഈ നടപടിക്കെതിരെ ഏതറ്റം വരെയും പോകും. ഒരു വിഭാഗം മാധ്യമങ്ങളോട് സംസാരിക്കില്ലെന്ന നിലപാട് അനുവദിച്ച് കൊടുക്കാനാകില്ല. ഫാസിസത്തിലേക്കുള്ള യാത്രയാണ് ഇത്. സ്വേച്ഛാധിപത്യപരമായ ഈ നടപടി കേരളത്തെ അപമാനിക്കുന്നതാണ്. ജനങ്ങളെ അപമാനിക്കാനുള്ള ഈ ശ്രമത്തെ വച്ചുപൊറുപ്പിക്കില്ലെന്നും അദ്ദേഹം പറഞ്ഞു.
ഗവര്‍ണറെ ചാന്‍സിലര്‍ പദവിയില്‍ നിന്നും നീക്കാൻ ഏതറ്റം വരെയും പോകാനും ഇടതുമുന്നണി തയ്യാറാണ്. ജനങ്ങള്‍ക്കിടയിലേക്ക് കാര്യങ്ങള്‍ എത്തുന്നതിനാണ് ലഘുലേഖ വിതരണം ചെയ്യുന്നത്. ഗവര്‍ണറുടെ നിലപാടുകളെ രാഷ്ട്രീയമായി പ്രതിരോധിക്കാന്‍ ജനങ്ങളെ അണിനിരത്തേണ്ടതുണ്ട്. മേയറുടെ കത്ത് വിവാദം തിരുവനന്തപുരം ജില്ലാ കമ്മിറ്റി ആണ് അന്വേഷിക്കുന്നത്. പിന്‍വാതില്‍ നിയമനത്തിന് പാര്‍ട്ടി എതിരാണ്. മേയറുടെ കത്ത് വ്യാജമാണോയെന്നത് അന്വേഷണത്തിലൂടെ അറിയാം. അദ്ദേഹം വ്യക്തമാക്കി.
English Summery: Governor arif mohammad khan behave as mentally ill says mv govindan
You may also like this video
