ജിഎസ്‌ടി വരുമാനം ഉയര്‍ന്നു

രാജ്യത്തെ മൊത്തം ചരക്ക് സേവന നികുതി (ജിഎസ്‌ടി) വരുമാനത്തില്‍ വര്‍ധനവ്. 2022 മേയിലെ 1.40 ലക്ഷം കോടി രൂപയില്‍ നിന്ന് 12 ശതമാനം വര്‍ധിച്ച് 1.57 ലക്ഷം കോടി രൂപയിലെത്തി. 2023 ഏപ്രിലില്‍ ഇത് 1.87 ലക്ഷം കോടിയെന്ന റെക്കോഡ് നിലയിലായിരുന്നു.
കഴിഞ്ഞമാസം 28,411 കോടി രൂപ കേന്ദ്ര ജിഎ‌സ‌്ടിയായും 35,828 കോടി രൂപ സംസ്ഥാനതല ജിഎ‌സ‌്ടിയായുമാണ് ലഭിച്ചത്. 81,361 കോടി രൂപ സംയോജിത (ഇന്റഗ്രേറ്റഡ്) ജിഎസ്‌ടിയായും 11,489 കോടി രൂപ സെസ് ആയും നേടി. തുടര്‍ച്ചയായി ഇത് പതിനാലാം തവണയാണ് ജിഎ‌‌സ‌്ടി സമാഹരണം 1.4 ലക്ഷം കോടി രൂപ കടക്കുന്നത്. സമാഹരണം 1.5 ലക്ഷം കോടിക്ക് മുകളില്‍ കടക്കുന്നത് ഇത് അഞ്ചാം തവണയാണെന്നും ധനമന്ത്രാലയം അറിയിച്ചു.

eng­lish summary;GST rev­enue is up

you may also like this video;