കോഴിക്കോട് നഗരത്തില്‍ ഹോട്ടലിലെ ശുചിമുറിയില്‍ ഒളികാമറ വച്ച അതിഥി തൊഴിലാളി അറസ്റ്റില്‍. സംഭവവുമായി ബന്ധപ്പെട്ട് ബംഗാളിലെ ഉത്തര്‍ ദിനാജ്പുര്‍ ഖൂര്‍ഖ സ്വദേശി തുഫൈല്‍ രാജ(20)യെ പൊലീസ് അറസ്റ്റ് ചെയ്തു. കഴിഞ്ഞ ദിവസം ഭര്‍ത്താവിനോടൊപ്പം ഹോട്ടലിലെത്തിയ യുവതിയാണ് സംഭവം കണ്ടത്. ജനലില്‍ വെള്ള പേപ്പറില്‍ പൊതിഞ്ഞു വച്ച നിലയിലായിരുന്നു ഫോണ്‍.
സംശയം തോന്നി പേപ്പര്‍ തുറന്ന് നോക്കിയപ്പോള്‍ കാമറ ഓണ്‍ ആക്കി വച്ച നിലയിലായിരുന്നുവെന്ന് യുവതി പറഞ്ഞു. ഫോണ്‍ എടുത്ത് ഹോട്ടല്‍ ഉടമയെ അറിയിച്ചതിന് ശേഷം യുവതി പൊലീസില്‍ പരാതി നല്‍കി. ഫറോക് ഇന്‍സ്പെക്ടര്‍ ജി ബാലചന്ദ്രന്റെ നേതൃത്വത്തില്‍ പൊലീസ് ഫോണ്‍ പരിശോധിച്ച് പ്രതിയെ അറസ്റ്റ് ചെയ്തു. ഒന്നരമാസം മുന്‍പാണ് ഇയാള്‍ ഹോട്ടലില്‍ ജോലിക്ക് എത്തിയത്.
English summary; Guest worker arrested for hiding camera in toilet
You may also like this video;
