സ്കൂളുകളിൽ ഇനി അധ്യാപകർ വിദ്യാർത്ഥികളെ പോടാ, പോടീ, അവള്, അവന് തുടങ്ങി ബഹുമാനമില്ലാത്ത വാക്കുകള് വിളിക്കരുതെന്ന് പൊതുവിദ്യാഭ്യാസ വകുപ്പിന്റെ നിര്ദ്ദേശം. ഇതുസംബന്ധിച്ച ഉത്തരവ് സംസ്ഥാനത്തെ വിദ്യാഭ്യാസ സ്ഥാപനങ്ങള്ക്ക് കൈമാറി. തിരുവനന്തപുരം ജില്ലയിലാണ് ആദ്യ ഉത്തരവ് ഇറങ്ങിയിരിക്കുന്നത്. നേരത്തെ പൊലീസിനും ഇത്തരത്തിലുള്ള അഭിസംബോധന പാടില്ലെന്ന നിര്ദ്ദേശം നല്കിയിരുന്നു. കോടതികളുടെ ഇടപെടലുകളും ഇക്കാര്യത്തിലുണ്ടായി.
വിദ്യാർത്ഥികൾക്ക് മാതൃകയാകും വിധം അധ്യാപകർ പെരുമാറണമെന്നാണ് സര്ക്കാരിന്റെ പുതിയ നിർദേശത്തിൽ പറയുന്നത്. എടീ, എടാ, നീ, നിന്റെ, വാടാ, വാടീ തുടങ്ങിയവ പദങ്ങളും ഉപയോഗിക്കരുതെന്നാണ് നിര്ദേശം. മുഖ്യമന്ത്രിയുടെ പരാതി പരിഹാര സെല്ലിൽ ലഭിച്ച ചില പരാതികളുടെ അടിസ്ഥാനത്തിലാണ് നിർദേശം. വിദ്യാഭ്യാസ വകുപ്പിന്റെ ഉത്തരവിനെ തുടര്ന്ന് ഇവ പ്രാവര്ത്തികമാക്കാന് ജില്ലാ വിദ്യാഭ്യാസ ഡെപ്യൂട്ടി ഡയറക്ടര്മാര് വഴിയാണ് സ്കൂളുകള്ക്ക് നിര്ദേശം നല്കിയിരിക്കുന്നത്.
English Sammury: Guidelines for teachers in addressing students have been handed over to schools
