ന്യൂയോർക്കിൽ കനത്ത മഴയെത്തുടര്‍ന്ന് താഴ്ന്ന പ്രദേശങ്ങളില്‍ വെള്ളപ്പൊക്കം. ദേശീയപാതകൾ, വിമാനത്താവളം, സബ്-വേകൾ എന്നിവിടങ്ങളിൽ വെള്ളംകയറി. ലാ ഗാല്‍ഡിയ വിമാനത്താവളത്തിന്റെ ഒരു ടെര്‍മിനല്‍ അടച്ചിടുകയും ചെയ്തു. വെള്ളിയാഴ്ച പലയിടങ്ങളിലും 20 സെന്റിമീറ്റര്‍വരെ മഴ രേഖപ്പെടുത്തിയിരുന്നു. പൊതുസ്ഥലങ്ങളിലെല്ലാം വെള്ളം കയറിയതോടെ ജനജീവിതം സ്തംഭിച്ചവസ്തയിലാണ്.
ന്യൂയോര്‍ക്ക് സിറ്റി, ലോങ് ഐലന്‍ഡ്, ഹഡ്സണ്‍ വാലി എന്നിവിടങ്ങളില്‍ ഗവര്‍ണര്‍ കാത്തി ഹോച്ചുല്‍ അടിയന്തരാവസ്ഥ പ്രഖ്യാപിച്ചു. ആളുകള്‍ സുരക്ഷിതരായിരിക്കണമെന്നും പ്രളയബാധിത പ്രദേശങ്ങളിലൂടെയുള്ള യാത്ര ഒഴിവാക്കണമെന്നും ഗവര്‍ണര്‍ ആവശ്യപ്പെട്ടു. വരും ദിവസങ്ങളിലും കനത്ത മഴ തുടരുമെന്ന് മുന്നറിയിപ്പില്‍ പറയുന്നു. 2021ല്‍ നഗരത്തിലുണ്ടായ മിന്നല്‍ പ്രളയത്തില്‍ 40തോളം പേര്‍ മരിച്ചു.
English Summary:Heavy rain in New York; Flooding in low-lying areas, emergency declared
You may also like this video
