സംസ്ഥാനത്ത് കനത്ത മഴ. ബംഗാൾ ഉൾക്കടലിലെ ചക്രവാതച്ചുഴി മൂലം തെക്കൻ കേരളത്തിലും തമിഴ്നാടിന്റെ തീരമേഖലയിലും വ്യാപകമഴയാണ് ലഭിച്ചത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിൽ ശനിയാഴ്ച രാത്രിയോടെ ആരംഭിച്ച മഴ ഇന്നലെ രാത്രിയും തുടര്‍ന്നു.
ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യത കണക്കിലെടുത്ത് തിരുവനന്തപുരം, കൊല്ലം, പത്തനംതിട്ട ജില്ലകളിൽ കേന്ദ്ര കാലാവസ്ഥാ വകുപ്പ് ഇന്നലെ ഓറഞ്ച് അലർട്ട് പ്രഖ്യാപിച്ചിരുന്നു. ഇന്നും മഴ തുടരുമെന്നാണ് വിലയിരുത്തൽ. ഇന്ന് മഴ ശക്തമായേക്കുമെന്നതിനാൽ എറണാകുളം ജില്ലയിൽ യെല്ലോ അലർട്ട് നൽകിയിട്ടുണ്ട്. കേരള തീരത്ത് മത്സ്യബന്ധനത്തിനും വിലക്കുണ്ട്.
മഴ തുടരുന്ന സാഹചര്യത്തിൽ പൊൻമുടി, മങ്കയം, മീൻമുട്ടി ഇക്കോ ടൂറിസം കേന്ദ്രങ്ങൾ അടച്ചു.
English Summary; Heavy rains in the state
You may also like this video
