ശബരിമല സ്വര്ണക്കൊള്ളകേസിലെ മുഖ്യപ്രതി ഉണ്ണികൃഷ്ണന് പോറ്റി ശബരിമലയില് വിഹരിച്ചത് ഉന്നതരുടെ ആശിര്വാദത്തോടെയെന്ന് ഹൈക്കോടതി.അന്വേഷണം ഉന്നതരിലേക്ക് നീളണമെന്നും ഹൈകോടതി സിംഗിള് ബെഞ്ച്.
സ്വര്ണക്കൊള്ള കേസിലെ പ്രതികളായ എസ് ജയശ്രീ, എസ് ശ്രീകുമാര് എന്നിവരുടെ മുന്കൂര് ജാമ്യം തള്ളിയ ഉത്തരവിലാണ് കോടതി പരാമര്ശം.ജസ്റ്റിസ് ബദറുദ്ദീന്റെ ബെഞ്ചാണ് കേസ് പരിഗച്ചത്. നിലവിലെ അന്വേഷണം ശരിയായ ദിശയിലെന്നും കോടതി നിരീക്ഷിച്ചു. ശബരിമലയിലെ സ്വര്ണക്കൊള്ള സംഭവിക്കാന് പാടില്ലാത്തതെന്നും കോടതി വ്യക്തമാക്കി. ഗൂഢാലോചന പുറത്ത് കൊണ്ടുവരണമെന്നും ഹൈകോടതി പറഞ്ഞു.