ബൗണ്ടറി നാടകത്തിനെതിരെ ഭീഷണിയുമായി ഹിന്ദു ഐക്യവേദി പരസ്യമായി രംഗത്ത്. നാടകത്തിലെ പാക്കിസ്ഥാനുമായി ബന്ധപ്പെട്ടുള്ള പരാമർശങ്ങൾ ഒഴിവാക്കി മാത്രമേ സംസ്ഥാന കലോത്സവത്തിൽ നാടകം അവതരിപ്പിക്കാൻ പാടുള്ളുവെന്ന് ഹിന്ദു ഐക്യവേദി സംസ്ഥാന ജന. സെക്രട്ടറി കെ ഷൈനു വാർത്താ സമ്മേളനത്തിൽ ആവശ്യപ്പെട്ടു.
ഡിസംബർ എട്ടിന് വടകര ഡി ഇ ഓഫീസിലേക്കും പതിനൊന്നിന് നടക്കുന്ന സംസ്ഥാന കലോത്സവ സംഘാടക സമിതി യോഗത്തിലേക്കും മാർച്ച് നടത്തുമെന്നും ഹിന്ദു ഐക്യവേദി വ്യക്തമാക്കി. നാടകം തീവ്രവാദ ശക്തികളെ പ്രീണിപ്പിക്കുവാനുള്ള ഗൂഢാലോചനയാണ്. രാഷ്ട്രീയ ലക്ഷ്യങ്ങൾക്ക് വേണ്ടി വിദ്യാർത്ഥികളെ ശത്രു രാജ്യത്തിന് അനുകൂലമായി ചിന്തിപ്പിക്കുക എന്ന ഗുരുതര തെറ്റാണ് നാടകത്തിന് പിന്നിൽ പ്രവർത്തിച്ച സിപിഐ എം നിയന്ത്രണത്തിലുള്ള സ്കൂൾ അധികൃതർ ചെയ്തതെന്നും സംഘടന ആരോപിച്ചു.
English Summary: Hindu Aikyavedi threatens against ‘Boundary’ drama
You may also like this video
