ഹോങ്കോങ്ങിലെ തായ് പോ ജില്ലയിൽ കഴിഞ്ഞ ദിവസമുണ്ടായ വൻ തീപിടിത്തത്തിൽ മരിച്ചവരുടെ എണ്ണം 94 ആയി ഉയർന്നു. 24 മണിക്കൂറിലധികം നീണ്ട രക്ഷാപ്രവർത്തനങ്ങൾക്ക് ശേഷവും, 300-ഓളം പേരെ ഇനിയും കണ്ടെത്താനുണ്ടെന്ന് അധികൃതർ അറിയിച്ചു.
അഗ്നിശമന സേനാംഗങ്ങൾ ഉൾപ്പെടെ 76 പേർ പരിക്കുകളോടെ ചികിത്സയിലുണ്ട്. അതേസമയം, ഈ സംഭവവുമായി ബന്ധപ്പെട്ട് കസ്റ്റഡിയിലെടുത്ത മൂന്ന് നിർമാണ കമ്പനി ജീവനക്കാർക്കെതിരെ കൊലപാതക കുറ്റം ചുമത്തിയിട്ടുണ്ട്. 63 വർഷത്തിനിടെ ഹോങ്കോങ്ങിലുണ്ടായ ഏറ്റവും വലിയ തീപിടിത്തമാണിത്. ദുരന്തത്തെ തുടർന്ന് പ്രവിശ്യാ തെരഞ്ഞെടുപ്പുകളും മറ്റ് പൊതുപരിപാടികളും മാറ്റിവെച്ചതായി അധികൃതർ അറിയിച്ചു.
ഹോങ്കോങ്ങ് തീപിടുത്തം: മരണസംഖ്യ 94 ആയി, അഗ്നിസേനാംഗങ്ങള് ഉള്പ്പടെ 76 പേർ ചികിത്സയിൽ
