ഇലന്തൂരിലെ നരബലി നടന്ന ഭഗവല്‍ സിങ്ങിന്റെ വീട് കാണാന്‍ പല സ്ഥലങ്ങളില്‍ നിന്നായി നിരവധിപേരാണ് ദിവസവും എത്തുന്നത്. സ്ഥലം അന്വേഷിച്ച് നിരവധി ആളുകള്‍ എത്താൻ തുടങ്ങിയതോടെ 50 രൂപ കൂലി നിരക്കില്‍ ഓട്ടോയുമായി എത്തിയിരിക്കുകയാണ് ഓട്ടോ ഡ്രൈവറായ ഗിരീഷ്. ‘നരബലി ഭവന സന്ദര്‍ശനം 50 രൂപ’ എന്നെഴുതി ഓട്ടോയുടെ മുൻ ഗ്ലാസിൽ ഒട്ടിച്ചിട്ടുണ്ട്.
‘ആദ്യശ്രീ തംബുരു’ എന്ന് പേരിട്ട ഓട്ടോറിക്ഷയാണ് ഗീരീഷ് ഓടിക്കുന്നത്. 50 രൂപ നൽകിയാൽ ഇലന്തൂര്‍ ജങ്ഷനില്‍ നിന്ന് ഭഗവല്‍ സിങ്ങിന്റെ വീട്ടിലേക്ക് ഇദ്ദേഹം ഓട്ടോയിലെത്തിക്കും. ഞായറാഴ്ച മാത്രം 1200 രൂപയുടെ ഓട്ടം കിട്ടിയെന്നാണ് ഗിരീഷ് പറയുന്നത്. കേസ് റിപ്പോര്‍ട്ട് ചെയ്ത അന്നുമുതല്‍ നിരവധി ആളുകളാണ് വീട് കാണാൻ എത്തുന്നതെന്ന് നാട്ടുകാര്‍ പറയുന്നു.
English Summary: huge crowd gathers to see the house where human sacrifice took place in elanthoor
You may also like this video
