ഇറാന്-ഇസ്രയേല് സൈനിക സംഘര്ഷത്തിന് പിന്നാലെ ഓഹരിവിപണികളില് വന് തകര്ച്ച. മുന്നിര ഏഷ്യന് വിപണികള് ഉലഞ്ഞതിന്റെ പ്രകമ്പനം ഇന്ത്യയിലും അലയടിച്ചു. സെന്സെക്സും നിഫ്റ്റിയും വലിയ നഷ്ടത്തിലേക്ക് കൂപ്പുകുത്തി. ഇന്നലെ ഒരു ദിവസംകൊണ്ട് മാത്രം 5.18 ലക്ഷം കോടി നിക്ഷേപകര്ക്ക് നഷ്ടമായി.
കഴിഞ്ഞയാഴ്ച 74,244ല് വ്യാപാരം അവസാനിപ്പിച്ച സെന്സെക്സ് വ്യാപാരം തുടങ്ങിയത് തന്നെ വന് ഇടിവോടെ 73,315ലാണ്. ഒരിക്കല് പോലും നേട്ടത്തിന്റെ പാതയിലേറാന് കഴിയാത്ത സെന്സെക്സ് വ്യാപാരം അവസാനിപ്പിച്ചതാകട്ടെ 845.12 പോയിന്റിടിഞ്ഞ് 73,399.78 ലായിരുന്നു. 1.14 ശതമാനം ഇടിവ് നേരിട്ടു. 22,339ല് വ്യാപാരം തുടങ്ങിയ നിഫ്റ്റി 246.90 പോയിന്റ് ഇടിഞ്ഞു. 1.10 ശതമാനം തകര്ച്ച നേരിട്ട് 22,272.50ലാണ് വ്യാപാരം അവസാനിപ്പിച്ചത്.
English Summary:Huge fall in stock markets; 5.18 lakh crore loss to investors
You may also like this video
