തനിക്കെതിരെ പോലീസില് പരാതി നല്കിയ പിൻവലിക്കാത്തതിനെ തുടർന്നു ഭാര്യക്ക് നേരെ വെടിയുതിര്ത്ത ഭര്ത്താവ് അറസ്റ്റിൽ. ഡല്ഹിയിലെ മംഗള്പുരിയിലാണ് സംഭവം. 27‑കാരനായ മൊഹിത്തിനെയാണ് പോലീസ് അറസ്റ്റ് ചെയ്തത്.
മൊഹിത്തും മോണിക്കയും ഒരു വർഷം മുമ്പാണ് വിവാഹിതരായത്. തന്നോട് ഭർത്താവ് വഴക്കിടുന്നുവെന്ന് ബുധനാഴ്ച രാവിലെ പോലീസിനെ ഫോൺ വിളിച്ച മോണിക്ക, ഉച്ചയോടെ രാജ് പാര്ക്ക് പൊലീസ് സ്റ്റേഷനിലെത്തി പരാതിയും നൽകി. വൈകുന്നേരം നാലോടെ മോണിക്ക പോലീസിൽ വിളിച്ച് ഭർത്താവ് താൻ ഉള്ള സ്ഥലത്ത് എത്തിയെന്ന് അറിയിച്ചു.
ഒരു പോലീസ് സംഘമെത്തിയപ്പോൾ മൊഹിത്ത് തോക്കുമായി നിൽക്കുകയായിരുന്നു. അയൽവാസികളുടെ സഹായത്തോടെ മൊഹിത്തിനെ പോലീസ് പിടികൂടി. മൊഹിത്ത് വെടിയുതിർത്തപ്പോൾ താൻ തലനാരിഴയ്ക്ക് രക്ഷപ്പെടുകയായിരുന്നുവെന്നും മോണിക്ക പറയുന്നു.
English Summary : husband arrested for shooting wife who complained to police