സ്ത്രീധനം ആവശ്യപ്പെട്ട് ഭാര്യയെ നിരന്തരം ഉപദ്രവിക്കുന്ന ഭര്‍ത്താവിനെ പൊലീസ് അറസ്റ്റ് ചെയ്തു. ആശ്രാമം ഇന്ദിരാജി ജംഗ്ഷന് സമീപം തച്ചിരുവാതുക്കല്‍ പടിഞ്ഞാറ്റതില്‍ വീട്ടില്‍ നിന്നും മങ്ങാട് ശാസ്താമുക്കിന് സമീപം സനോജ് ഭവനത്തില്‍ വാടകയ്ക്ക് താമസിക്കുന്ന സന്തോഷ്‌കുമാര്‍ (45) ആണ് പൊലീസ് പിടിയിലായത്. സ്ത്രീധനം കുറഞ്ഞ് പോയി എന്ന് പറഞ്ഞ് 2017 മുതല്‍ ഇയാള്‍ ഭാര്യ അര്‍ച്ചനയെ നിരന്തരം ദേഹോപദ്രവം ഏല്‍പ്പിച്ച് വരികയായിരുന്നു.
കഴിഞ്ഞ ബുധനാഴ്ച രാവിലെ ഇയാള്‍ വീട്ടിലെ ഫ്രിഡ്ജ് ഉപയോഗിച്ചതിന് ഭാര്യയെ ആക്രമിക്കുകയായിരുന്നു. തുടര്‍ന്ന് ഇയാള്‍ ജോലിക്ക് ഉപയോഗിക്കുന്ന സ്പിരിറ്റ് ലവല്‍ ഉപയോഗിച്ച് കൈ അടിച്ച് ഓടിച്ചു. അസ്ഥിക്ക് പൊട്ടല്‍ സംഭവിച്ച അര്‍ച്ചന ചികിത്സ തേടി. തുടര്‍ന്ന് ഇവര്‍ ഇയാള്‍ക്കെതിരെ കിളികൊല്ലൂര്‍ പൊലീസ് സ്റ്റേഷനില്‍ നല്‍കിയ പരാതിയുടെ അടിസ്ഥാനത്തില്‍ രജിസ്റ്റര്‍ ചെയ്ത കേസിലാണ് നടപടി ഉണ്ടായത്.
ഇയാളെ മങ്ങാട് വീട്ടിന് സമീപം നിന്നും പൊലീസ് പിടികൂടുകയായിരുന്നു. കിളികൊല്ലൂര്‍ ഇന്‍സ്പെക്ടര്‍ വിനോദ് കെയുടെ നേതൃത്വത്തില്‍ എസ്ഐ മാരായ അനീഷ് എ പി, മധു എ എസ്ഐ മാരായ പ്രകാശ് ചന്ദ്രന്‍, ജിജൂ, ഡെല്‍ഫിന്‍ ബോണിഫസ്, സിപിഒ മാരായ സാജ്, സിന്ധു എന്നിവരടങ്ങിയ സംഘമാണ് ഇയാളെ പിടികൂടി റിമാന്റ് ചെയ്തത്.
english summary; Husband arrested for trying to kill wife after dowry abuse
you may also like this video;
