എന്‍സിഇആര്‍ടി പാഠപുസ്തകങ്ങളില്‍ നിന്ന് മുഗള്‍ സാമ്രാജ്യം പരാമര്‍ശിക്കപ്പെട്ട പാഠഭാഗങ്ങള്‍ ഒഴിവാക്കിയ സംഭവത്തില്‍ കേന്ദ്ര സര്‍ക്കാരിനെതിരേ രൂക്ഷവിമര്‍ശനവുമായി ജമ്മു കശ്മീര്‍ മുന്‍മുഖ്യമന്ത്രിയും നാഷണല്‍ കോണ്‍ഫറന്‍സ് നേതാവുമായ ഫാറുഖ് അബ്ദുള്ള.
മുഗള്‍ ചരിത്രം തേച്ചു മായ്ക്കാന്‍ കഴിയില്ലെന്നും ഷജഹാന്‍, ഔറംഗസീബ്,അക്ബര്‍, ബാബര്‍, ഹുമയൂണ്‍ ‚ജഹാംഗീര്‍ എന്നിവരെ എങ്ങനെ മറക്കാനാകുമെന്നും അദ്ദേഹം ചോദിക്കുന്നു. എണ്ണൂറ് വര്‍ഷത്തോളം മുഗളന്മാര്‍ ഭരിച്ചു.
ഹിന്ദുവും മസ്ലീമും സിഖുകാരും ക്രിസ്ത്യാനിയും ഈ കാലഘട്ടില്‍ ഒരു ഭീഷണിയും നേരിട്ടില്ല. താജ്മഹല്‍ കാണിക്കുമ്പോള് ആരാണ് ഇത് നിര്‍മ്മിച്ചതെന്ന് ചോദിച്ചാല്‍ ബിജെപി എന്ത് പറയും. ചെങ്കോട്ടയെ അവര്‍ എങ്ങനെ മറയ്ക്കും. ഹുമയൂണിന്‍റെ ശവകുടീരം അന്താരാഷ്ടര പ്രശസ്തമാണ്. അത് മറയ്ക്കാനാകുമോ അദ്ദേഹം ചോദിക്കുന്നു. ബിജെപിക്കെതിരേ തെര‍ഞ്ഞെടുപ്പില്‍ വിജയിക്കണമെങ്കില്‍ പ്രതിപക്ഷ പാര്‍ട്ടികള്‍ ഒന്നിക്കണമെന്നും അദ്ദേഹം പറഞ്ഞു.
English Summary:If asked who built the Red Fort and Taj Mahal, what will the BJP answer: Farooq Abdullah
You may also like this video:
