വളാഞ്ചേരിയില്‍ നിന്ന് വന്‍ കുഴല്‍പ്പണ വേട്ട. മൂന്ന് കോടിയിലേറെ രൂപ പിടിച്ചെടുത്തു. സംഭവത്തില്‍ രണ്ട് പേര്‍ കസ്റ്റഡിയിലെടുത്തു. ഒരാഴ്ചക്കിടെ ജില്ലയില്‍ ഏഴ് കോടിയിലേറെ രൂപയുടെ കുഴല്‍പ്പണമാണ് ഇതുവരെ പിടിച്ചെടുത്തത്. വാഹന പരിശോധനക്കിടെ ബൊലേറോയില്‍ കടത്തുകയായിരുന്ന പണമാണ് കണ്ടെടുത്തത്. ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. വാഹനത്തിന്റെ രഹസ്യ അറയില്‍ സൂക്ഷിച്ച നിലയിലായിരുന്നു പണം. സംഭവത്തില്‍ വേങ്ങര സ്വദേശി ഹംസ, കൊളത്തൂര്‍ സ്വദേശി സഹദ് എന്നിവര്‍ പിടിയിലായി. ഹവാലാ ഇടപാടുകള്‍ സജീവമാകുന്ന സാഹചര്യത്തില്‍ പരിശോധനകള്‍ ശക്തമാക്കുകയാണ് പൊലീസ്.
English summary; Illegal money laundering in Malappuram
You may also like this video;
