ആലുവയിൽ പള്ളിപ്പെരുന്നാളിനിടെ ഐസ്ക്രീം കഴിച്ചവർക്ക് ഭക്ഷ്യവിഷബാധ

ആലുവ എടയാറിൽ പള്ളിപ്പെരുന്നാളിനോടനുബന്ധിച്ച് ഐസ്‌ക്രീം കഴിച്ച കുട്ടികൾക്ക് ഭക്ഷ്യവിഷബാധയേറ്റു. വഴിയോരക്കച്ചവടക്കാരനിൽ നിന്ന് ഐസ്‌ക്രീം കഴിച്ച 26 കുട്ടികൾക്കാണ് ശാരീരിക അസ്വസ്ഥതകൾ അനുഭവപ്പെട്ടത്. ഐസ്‌ക്രീം കഴിച്ചതിന് പിന്നാലെ കുട്ടികൾക്ക് വയറിളക്കവും ഛർദ്ദിയും അനുഭവപ്പെടുകയായിരുന്നു. ഉടൻ തന്നെ കുട്ടികളെ സമീപത്തെ ആശുപത്രികളിൽ എത്തിച്ച് പ്രാഥമിക ചികിത്സ നൽകി. ആരുടെയും ആരോഗ്യനില ഗുരുതരമല്ലെന്നും ചികിത്സയ്ക്ക് ശേഷം എല്ലാവരെയും വിട്ടയച്ചതായും അധികൃതർ അറിയിച്ചു.