അമ്പലപ്പുഴയിൽ നിരവധി വനിതകൾ നേരിന്റെ പാതയിലേക്ക്

അമ്പലപ്പുഴയിൽ നിരവധി വനിതകൾ നേരിന്റെ പാതയിലേക്ക്. സിപിഐ(എം)പുന്നപ്ര സൗത്ത് പതിനാറാം വാർഡ് കൊച്ചു പൊഴി മുൻ ബ്രാഞ്ച് സെക്രട്ടറിയായിരുന്ന റീത്താമ്മ ബൈജുവിന്റെ(സാലി ) നേതൃത്വത്തിലാണ് നിരവധി വനിതകൾ സിപിഐയിൽ ചേർന്ന് പ്രവർത്തിക്കാൻ തീരുമാനിച്ചത്. സിപിഐ സംസ്ഥാന കൗൺസിൽ അംഗം വി മോഹൻദാസ് , മണ്ഡലം സെക്രട്ടറി ഇ കെ ജയൻ എന്നിവർ അംഗങ്ങളെ സ്വീകരിച്ചു .മണ്ഡലം അസിസ്റ്റന്റ് സെക്രട്ടറി സി വാമദേവ് മണ്ഡലം സെക്രട്ടറിയേറ്റ് അംഗം കരുമാടി ഗോപൻ, മണ്ഡലം കമ്മിറ്റി അംഗങ്ങളായ പി എച്ച് ബാബു, എം ഷീജ, എഐവൈഎഫ് മണ്ഡലം സെക്രട്ടറി ജി സുബീഷ്, ട്രില്ലി എന്നിവർ സന്നിഹിതരായിരുന്നു