മഹാരാഷ്ട്ര നാന്ദേഡില്‍ കോച്ചിംഗ് സെന്‍ററില്‍ അധ്യാപകന്‍ 16 കാരിയെ ലൈംഗികമായി പീഡിപ്പിച്ചെന്നാരോപിച്ച് പ്രദേശവാസികള്‍ കോച്ചിംഗ് സെന്‍റര്‍ നശിപ്പിച്ചു.പുറത്ത് വരുന്ന ദൃശ്യങ്ങളില്‍ ഒരു കൂട്ടം ആളുകള്‍ കോച്ചിംഗ് സെന്‍ററിനുള്ളില്‍ കയറി ഇയാളെ വളയുന്നത് കാണാം.ആദ്യം ഇവര്‍ അയാളുടെ ക്യാബിന്‍റെ ജനാലകളാണ് തകര്‍ത്തത്.പിന്നീട് ആളുകള്‍ ഇയാളുടെ കോച്ചിംഗ് സെന്‍ററിന് പുറത്തുള്ള ഫ്ലെക്സകളും തകര്‍ക്കുന്നു.
ഇന്നലെയാണ് പെണ്‍കുട്ടി മാതാപിതാക്കളോട് നടന്ന സംഭവങ്ങളെക്കുറിച്ച് പറയുന്നത്.പെണ്‍കുട്ടിയുടെ പരാതിയുടെ അടിസ്ഥാനത്തില്‍ പോക്സോ വകുപ്പ് പ്രകാരം നാഗേഷ് ജാദവ് എന്ന പ്രതിക്കെതിരെ എഫ്ഐആര്‍ രജിസ്റ്റര്‍ ചെയ്തിട്ടുണ്ട്.ഇയാളെ പൊലീസ് അറസ്റ്റ് ചെയ്യുകയും ചെയ്തു.