മലപ്പുറത്ത് യുഡിഎഫിന്‍റെ പ്രവര്‍ത്തകര്‍ നവകേരള സദസിലേക്ക് ഇരച്ചുകയറുകയാണെന്ന് സംസ്ഥാന സാംസ്ക്കാരിക വകുപ്പ് മന്ത്രി സജിചെറിയാന്‍. മലപ്പുറം എല്‍ഡിഎഫിന് തീരെ സ്വാധീനമില്ലാത്ത ജില്ലയാണ്. എന്നിട്ടും നവകേരളസദസിന് വലിയ ജനപങ്കാളിത്തമാണുള്ളത്. ഇത് ജനങ്ങള്‍ നവകേരള സദസിനെ ഏററെടുത്തതിന്‍റെ തെളിവാണെന്നും അദ്ദേഹം അഭിപ്രായപ്പെട്ടു.
മലപ്പുറത്തെ സാഹചര്യത്തിലൂടെ നവകേരള സദസ് ഒരു വ്യത്യസ്തമായ രാഷ്ട്രീയ മുന്നേറ്റത്തിന്റെ പതിപ്പ് കൂടെയാണെന്ന് തെളിയുകയാണെന്നും സജിചെറിയാന്‍ കൂട്ടിച്ചേർത്തു. നവകേരള സദസിന് രാഷ്ട്രീയമില്ല. അത് ജനങ്ങളുടെ പരിപാടിയാണ്. ജനങ്ങളുടെ പ്രശ്നങ്ങൾ പരിഹരിക്കുക എന്നതാണ് നവകേരള സദസുകൊണ്ട് സർക്കാർ ഉദ്ദേശിക്കുന്നത്. അത് ജനങ്ങൾക്ക് മനസിലായി എന്നും അദ്ദേഹം കൂട്ടിച്ചേർത്തു
English Summary: In Malappuram, UDF activists are storming the Navakerala Sadas
You may also like this video:
