പ്രധാനമന്ത്രിയുടെ പ്രതിമാസ റേഡിയോ പരിപാടിയായ മന്‍ കി ബാത്തിനെ പരിഹസിച്ച് ബംഗാള്‍ എംപി മഹുവ മൊയ്ത്ര. മൻ കീ ബാത്തിനെ ‘മങ്കി ബാത്തെ’ന്നു പരിഹസിക്കുകയും ചെയ്ത എംപി, കേൾക്കാത്തതിന് താനും ശിക്ഷിക്കപ്പെടുമോ എന്ന് ചോദിക്കുകയും ചെയ്തു. ട്വിറ്ററിലൂടെയായിരുന്നു പ്രതികരണം.
മൻകീ ബാത്ത് നൂറാം എപ്പിസോഡ് കേൾക്കാതിരുന്നതിന് ചണ്ഡീഗഡിലെ പിജിഐഎംഇആർ അഡ്‌മിനിസ്ട്രേഷൻ 36 നഴ്‌സിംഗ് വിദ്യാർത്ഥികളെ ഹോസ്‌റ്റൽ വിടുന്നത് വിലക്കിയതിനു പിന്നാലെയാണ് മഹുവ മൊയ്ത്രയുടെ പ്രതികരണം.
“ഞാനും മങ്കി ബാത്ത് കേട്ടിട്ടില്ല, ഒരിക്കൽ പോലും. അതിന് ഞാനും ശിക്ഷിക്കപ്പെടുമോ? ഒരാഴ്‌ചത്തേക്ക് എന്റെ വീട്ടിൽ നിന്ന് പുറത്തുപോകുന്നതിൽ നിന്ന് എന്നെ വിലക്കുമോ? ഞാനിതിൽ വിഷമത്തിലാണ്”മഹുവ പറഞ്ഞു.
English Summary: Incident where nursing students were banned; Bengal MP ridiculed PM’s Mann Ki Baat as ‘Monkey Baat’
You may also like this video
