ചെനാബ് നദിയിലുളള സലാല് ഡാം മുന്നറിയിപ്പില്ലാതെ തുറന്നുവിട്ട് ഇന്ത്യ. സലാല് അണക്കെട്ടിന്റെ ഒരു ഷട്ടറാണ് ഇന്ത്യ തുറന്നിരിക്കുന്നത്. ജമ്മു കശ്മീരിലെ റിയാസിയില് മഴ തുടര്ച്ചയായി പെയ്യുന്നതിനാല് ജലനിരപ്പ് ഉയരുന്നത് നിയന്ത്രിക്കുന്നതിനാണ് അണക്കെട്ടിന്റെ ഷട്ടര് തുറന്നത്. എന്നാല് ഡാമിന്റെ ഷട്ടര് തുറന്നുവിട്ടത് പാകിസ്താനില് ആശങ്കയുയര്ത്തിയിട്ടുണ്ട്. പാകിസ്താന്റെ താഴ്ന്ന പ്രദേശങ്ങള് വെളളപ്പൊക്ക ഭീതിയിലാണ്. ഇന്ത്യയില് നിന്ന് പാകിസ്താനിലേക്ക് ഒഴുകുന്ന പ്രധാന നദികളിലൊന്നാണ് ചെനാബ്. നദിയുടെ ഒഴുക്കില് പെട്ടെന്നുണ്ടാകുന്ന മാറ്റങ്ങള് മേഖലയെ സാരമായി ബാധിക്കും.
സലാല് ഡാം മുന്നറിയിപ്പില്ലാതെ തുറന്നുവിട്ട് ഇന്ത്യ; പാകിസ്താനില് വെളളപ്പൊക്ക ഭീതി
