ഓപ്പറേഷന് സിന്ദൂറിനു പിന്നാലെയുളള സാഹചര്യം വിലയിരുത്താന് ഇന്ന് സര്വ്വകക്ഷിയോഗം ചേരും. രാവിലെ 11 മണിക്ക് പാര്ലമെന്റില് ചേരുന്ന യോഗത്തില് പ്രതിരോധമന്ത്രി രാജ്നാഥ് സിംഗ് ഓപ്പറേഷന് സിന്ദൂറിനെക്കുറിച്ച് വിശദീകരിക്കുമെന്നാണ് റിപ്പോര്ട്ട്. സൈന്യത്തിന്റെ തുടര്നീക്കങ്ങളും ചര്ച്ചയാകും.
അതേസമയം, ജമ്മു കശ്മീരില് നിയന്ത്രണങ്ങള് തുടരും. വിദ്യാഭ്യാസ സ്ഥാപനങ്ങള്ക്ക് ഇന്നും അവധിയാണ്. ശ്രീനഗര് വിമാനത്താവളം ഇന്നും തുറക്കില്ല. ജമ്മു കശ്മീരില് കണ്ട്രോള് റൂമുകള് തുറന്നിട്ടുണ്ട്. അതിര്ത്തി സംസ്ഥാനങ്ങളില് പ്രത്യേക നിരീക്ഷണമേര്പ്പെടുത്തിയിട്ടുണ്ട്. ഏത് സാഹചര്യവും നേരിടാന് കര നാവിക വ്യോമ സേനകള് സജ്ജമാണ്. പാകിസ്താന് പ്രകോപനം തുടര്ന്നാല് ഒരു യുദ്ധത്തിലേക്ക് പോകാനും മടിക്കില്ലെന്ന് പ്രതിരോധമന്ത്രി രാജ്നാഥ് സിങ് പറഞ്ഞു. തിരിച്ചടി നല്കാന് സൈന്യത്തിന് കേന്ദ്രസര്ക്കാര് പൂര്ണ്ണ സ്വാതന്ത്ര്യം നല്കിയിട്ടുണ്ട്.