പഹല്ഗാം ആക്രമണത്തിന്റെ പശ്ചാത്തലത്തില് അതിര്ത്തി കടന്നുള്ള ഭീകരതക്കെതിരെ കടുത്തനടപടികള്ക്കൊരുങ്ങി ഇന്ത്യ. പാകിസ്താനെ വീണ്ടും ഗ്രേ ലിസ്റ്റില് ഉള്പ്പെടുത്തുന്നതിനും ഐഎംഎഫ് സാമ്പത്തികസഹായം നല്കുന്നത് തടയുന്നതിനുമുള്ള നടപടി സ്വീകരിക്കാണ് തീരുമാനം. പാകിസ്ഥാന് നൽകിയ വായ്പകൾ പുനഃപരിശോധിക്കാൻ ഇന്ത്യ ഐഎംഎഫിനോട് ആവശ്യപ്പെട്ടതായാണ് റിപ്പോര്ട്ടുകള് സൂചിപ്പിക്കുന്നത്.
ഗ്രേലിസ്റ്റില് ഉള്പ്പെടുത്തിയാല് പാകിസ്താനിലേക്കുള്ള വിദേശനിക്ഷേപങ്ങളിലും അനധികൃതപണമൊഴുക്കിലും നിയന്ത്രണം ഉണ്ടാകും. പാകിസ്താന് നടത്തുന്ന സാമ്പത്തിക ഇടപാടുകള് സൂക്ഷ്മമായ നിരീക്ഷണം ഏര്പ്പെടുത്തും. 2018 ജൂണ് മുതല് ഗ്രേ ലിസ്റ്റില് ഉണ്ടായിരുന്ന പാകിസ്ഥാനെ 2022ല് ഒക്ടോബറിലാണ് ഗ്രേ ലിസ്റ്റില് നിന്ന് നീക്കം ചെയ്തത്.