ലോക ബോക്സിങ് ചാമ്പ്യന്‍ഷിപ്പ് വനിതാ വിഭാഗത്തില്‍ ഇന്ത്യയുടെ നിഖാത് സരീന് സ്വര്‍ണം. 52 കിലോഗ്രാം വിഭാഗത്തില്‍ തായ്‌ലന്‍ഡിന്റെ ജുട്ടമസ് ജിറ്റ്പോങിനെ 5–0നാണ് സരീന് തോല്‍പ്പിച്ചത്. ചാമ്പ്യന്‍ഷിപ്പില്‍ ഇന്ത്യയുടെ 10-ാം സ്വര്‍ണനേട്ടമാണിത്. എട്ട് വെള്ളിയും 21 വെങ്കലവും ഇന്ത്യ സ്വന്തമാക്കി.
മേരി കോം, സരിതാദേവി, ജെന്നി ആര്‍എല്‍, ലേഖ കെസി എന്നിവര്‍ക്ക് ശേഷം ലോക ചാമ്പ്യന്‍ഷിപ്പില്‍ സ്വര്‍ണം നേടുന്ന അഞ്ചാമത്തെ ഇന്ത്യന്‍ വനിതാ ബോക്സറായി സരീന് മാറി. നേരത്തെ സെമിയില്‍ ബ്രസീലിന്റെ കരോലിന്‍ ഡി അല്‍മേഡയെ 5–0ന് തോല്‍പ്പിച്ചാണ് സറീന് ഫൈനലില്‍ കടന്നത്.
English Summary:India wins gold at Women’s World Boxing Championships
You may also like this video
