പ്രശസ്ത ഇറാനിയൻ സംവിധായകൻ ദാരിയുഷ് മെർജുയിയെയും ഭാര്യ വാഹിദ മുഹമ്മദിഫറിനയും വീടിനുള്ളില്‍ കൊല്ലപ്പെട്ട നിലയിൽ കണ്ടെത്തി. ഇറാന്റെ ഔദ്യോഗിക വാർത്താ ഏജൻസിയായ ഐആർഎൻഎയാണ് വാർത്ത പുറത്തുവിട്ടത്. ശനിയാഴ്ച രാത്രിയാണ് സിബാദാഷ്ത് ടൗണിലെ വീട്ടിൽ കഴുത്തിനു കുത്തേറ്റ നിലയില്‍ ഇരുവരെയും കണ്ടെത്തിയത് .
മകൾ മോഹന മെർജുയി ശനിയാഴ്ച രാത്രി ഇവരെ സന്ദർശിക്കാനെത്തിയപ്പോഴാണ് ഇരുവരെയും മരിച്ച നിലയില്‍ കണ്ടെത്തിയത്. കൊലപാതകത്തിന് പിന്നിലെ കാരണം വ്യക്തമല്ലെന്നും, സംഭവത്തില്‍ അന്വേഷണം ആരംഭിച്ചതായി പൊലീസ് അറിയിച്ചതായും മാധ്യമങ്ങള്‍ റിപ്പോര്‍ട്ട് ചെയ്തു.
1970-കളിൽ ഇറാനിലെ നവതരംഗ സിനിമകൾക്ക് തുടക്കംകുറിച്ചയാളെന്ന നിലയിൽ പ്രശസ്തനായിരുന്നു മെഹർജുയി.
English Summary: Iranian Director Dariush Mehrjui and Wife Killed in Stabbing Attack
You may also like this video
