ഇസ്രായേൽ വ്യോമാക്രമണത്തിൽ ഗാസയിലെ ഏറ്റവും വലിയ ആശുപത്രി തകര്‍ന്നു. ഗാസ മുനമ്പിലെ ഏറ്റവും വലിയ ആശുപത്രിയായ അൽ ഷിഫ മെഡിക്കൽ കോംപ്ലക്സിലെ കെട്ടിടമാണ് തകർന്നത്. അൽ ഷിഫ കോംപ്ലക്‌സ് ഇസ്രായേൽ ഷെല്ലാക്രമണത്തിന് വിധേയമായതായും അതിന്റെ കാർഡിയോളജി വിഭാഗം നശിപ്പിക്കപ്പെട്ടുവെന്നുംമ സിൻഹുവ വാർത്താ ഏജൻസി റിപ്പോർട്ട് ചെയ്തു.
തീവ്രപരിചരണ വിഭാഗങ്ങൾ ഉള്ള മെഡിക്കൽ കോംപ്ലക്സിലെ പ്രധാന പ്രത്യേക കെട്ടിടത്തിന്റെ ഒന്നാം നിലയാണ് ഇസ്രായേൽ സൈന്യം ആക്രമണം നടത്തിയത്. ആശുപത്രി വിടാൻ ശ്രമിച്ച ഏകദേശം 40 ഓളം ആളുകളെ ഇസ്രായേൽ സൈന്യം ലക്ഷ്യം വച്ചിരുന്നു, ഇത് മരണങ്ങൾക്കും പരിക്കുകൾക്കും കാരണമായി, അപകടങ്ങളുടെ കൃത്യമായ എണ്ണം നിര്‍ണയിക്കാനായിട്ടില്ലെന്നും പലസ്തീൻ ആരോഗ്യ ഉദ്യോഗസ്ഥൻ അറിയിച്ചു.
1946‑ൽ സ്ഥാപിതമായ ഈ മെഡിക്കൽ കോംപ്ലക്‌സ് മൂന്ന് പ്രത്യേക ആശുപത്രികൾ ഉൾപ്പെടെ ഗാസ മുനമ്പിലെ ഏറ്റവും വലിയ ആരോഗ്യ സ്ഥാപനമാണ്.
English Summary: Israel airstrikes again on hospital in Gaza: the largest hospital building in the Gaza Strip collapses, many dead
You may also like this video
