അച്ഛന്റെ വിയോഗം സ്വയം അംഗീകരിക്കാന് പോലും ഏറെ സമയമെടുത്തുവെന്ന് വി എസ് അച്യുതാനന്ദന്റെ മകൻ അരുൺകുമാർ. വി എസിന്റെ വിയോഗത്തിന് പിന്നാലെ സോഷ്യൽ മീഡിയയിൽ ആണ് വികാര നിർഭരമായ കുറിപ്പ് പോസ്റ്റ് ചെയ്തത് . രോഗശയ്യയില് കിടക്കുന്ന അച്ഛനെ കാണാന് താല്പ്പര്യപ്പെട്ട നൂറുകണക്കിന് അച്ഛന്റെ അടുപ്പക്കാരുണ്ടായിരുന്നു.
ഡോക്ടര്മാരുടെ കര്ശന നിര്ദ്ദേശം നിലവിലുണ്ടായിരുന്നതിനാല് അന്ത്യ നാളുകളില് ആരെയും കാണാന് അനുവദിക്കാന് കഴിഞ്ഞില്ല. പലര്ക്കും ഇക്കാര്യത്തില് വിഷമമുണ്ടായിട്ടുണ്ടാവും. ഇന്നത്തെ പ്രഭാതം അച്ഛന് ഒപ്പമില്ലെന്ന തിരിച്ചറിവിന്റേതുകൂടിയാണെന്നും കടന്നുപോയ ഒരു മാസക്കാലം അച്ഛനെ ജീവിതത്തിലേക്ക് തിരിച്ചുകൊണ്ടുവരാന് കഴിഞ്ഞേക്കും എന്ന പ്രത്യാശ വെച്ചുപുലര്ത്തിയെങ്കിലും വിധിവിഹിതം മറിച്ചായിപ്പോയെന്നും അദ്ദേഹം പറഞ്ഞു.