ജനയുഗത്തിന്റെ 75-ാം വാർഷികം ഒരു വർഷം നീണ്ടു നില്‍കുന്ന വിവിധ പരിപാടികളോടെ ആഘോഷിക്കും. പരിപാടികളുടെ വിജയത്തിനായി വിപുലമായ സംഘാടകസമിതി രൂപീകരിച്ചു. ആഘോഷ പരിപാടികളുടെ ഉദ്ഘാടനം 22ന് വൈകിട്ട് കൊല്ലം കടപ്പാക്കട സ്പോർട്സ് ക്ലബ്ബിൽ സിപിഐ സംസ്ഥാന സെക്രട്ടറി ബിനോയ് വിശ്വം നിർവഹിക്കും.
ബിനോയ് വിശ്വം, കെ പ്രകാശ് ബാബു, കെ ആർ ചന്ദ്രമോഹനൻ, മുല്ലക്കര രത്നാകരൻ, മന്ത്രി ജെ ചിഞ്ചുറാണി, എൻ രാജൻ, ആർ രാജേന്ദ്രൻ, രാജാജി മാത്യു തോമസ്, പന്ന്യൻ രവീന്ദ്രൻ എന്നിവർ രക്ഷാധികാരികളും പി എസ് സുപാൽ എംഎൽഎ ചെയർമാനും സി ആർ ജോസ്‌പ്രകാശ് ജനറൽ കൺവീനറുമാണ്. പി എസ് സുപാൽ അധ്യക്ഷത വഹിച്ച സംഘാടകസമിതി രൂപീകരണ യോഗം ജനയുഗം എഡിറ്റർ രാജാജി മാത്യു തോമസ് ഉദ്ഘാടനം ചെയ്തു.
സിപിഐ സംസ്ഥാന എക്സിക്യൂട്ടീവ് അംഗം കെ ആർ ചന്ദ്രമോഹനൻ സംസാരിച്ചു. സംസ്ഥാന എക്സിക്യൂട്ടീവ് അംഗം ആർ രാജേന്ദ്രൻ, ആർ വിജയകുമാർ, ജി ലാലു, ഹണിബഞ്ചമിൻ, സാം കെ ഡാനിയേൽ, എസ് വേണുഗോപാൽ, ജനയുഗം ജനറൽ മാനേജർ സി ആർ ജോസ്‌പ്രകാശ് തുടങ്ങിയവര്‍ പങ്കെടുത്തു. പി എസ് സുരേഷ് സ്വാഗതം പറഞ്ഞു.
English Summary: Janayugom 75th Anniversary Celebration; The organizing committee was formed
You may also like this video
