കല്ലുപ്പ്

കൊഴുത്ത ദ്രാവകമാക്കി
നിത്യവും, അയാളെന്നെ
കുടിച്ച് വറ്റിക്കുന്നു
കനത്തൊരു ഏമ്പക്കത്തിലൂടെ
പുറത്തേക്കെറിയുന്നു. .
അപ്പോഴൊക്കെ
അരി പത്തിരി പോലെ
അയാളെ ഞാൻ ചുരുട്ടി
വായിലേക്കിട്ട് അണയിലൊതുക്കും
വേണ്ടാത്തൊരു മാർദ്ദവം തൊണ്ടയിൽ
കുടുങ്ങി, ആമാശയത്തിലേക്ക്,
പോകാൻ മടിക്കും. ..
കല്ലുപ്പ് ചേർത്ത്, ദിവസങ്ങളെ
വിഭവസമ്യദ്ധമാക്കാൻ,
എനിക്കിപ്പോളറിയാം. ..
ചെടിച്ച് തുപ്പി വെച്ച വാക്കുകളെ
അടച്ച് വെച്ച് ഉപ്പ് തൂകി, അയാൾക്ക്
തന്നെ ഞാൻ വിളമ്പും. .….