പാർട്ടി രാഷ്ട്രീയ നയത്തിനു വിരുദ്ധമായി ബിജെപിയുമായി സഖ്യമുണ്ടാക്കാനുള്ള എച്ച് ഡി ദേവഗൗഡയുടെ തീരുമാനത്തെ ജനതാദൾ കേരള ഘടകം നേതൃയോഗം വീണ്ടും തള്ളി. എൽഡിഎഫിൽ തുടരുമെന്ന് യോഗം തീരുമാനിച്ചു. ബിജെപി വിരുദ്ധ, കോൺഗ്രസ് ഇതര മത നിരപേക്ഷ കക്ഷികളുടെ കൂട്ടായ്മ എന്ന ദേശീയ സമ്പൂർണ സമ്മേളനം അംഗീകരിച്ച രാഷ്ട്രീയ നിലപാട് തുടരും. ഈമാസം ഏഴിനു ചേർന്ന സംസ്ഥാന രാഷ്ട്രീയകാര്യ സമിതിയുടെ ഈ തീരുമാനം സംസ്ഥാന നേതൃയോഗവും അംഗീകരിച്ചതായി സംസ്ഥാന പ്രസിഡന്റ് മാത്യു ടി തോമസ് എംഎൽഎ വാർത്താ സമ്മേളനത്തിൽ പറഞ്ഞു. മറ്റു സംസ്ഥാന ഘടകങ്ങളുമായി ആലോചിച്ച് ഭാവി പരിപാടികൾ തീരുമാനിക്കുമെന്ന് മന്ത്രി കെ കൃഷ്ണൻകുട്ടിയും കൂട്ടിച്ചേര്‍ത്തു.
English Summary;JDS will remain on the Left Front; The Kerala element rejected the national position
You may also like this video
