പരിശീലനപ്പറക്കലിനിടെ വ്യോമസേനാ വിമാനം തകര്‍ന്നുവീണു. രണ്ട് പൈലറ്റുമാരെ കാണാതായി. ഇന്ന് രാവിലെ 11 മണിയോടെ ജംഷഡ്പൂരിന് സമീപം ഈസ്റ്റ് സിങ്ഭും വിമാനത്താവളത്തില്‍ നിന്ന് പറന്നുയര്‍ന്ന ഉടനെ പരിശീലന വിമാനം അപ്രത്യക്ഷമാവുകയായിരുന്നു. വിമാനം ഡാല്‍മ മലനിരകളില്‍ തകര്‍ന്നുവീണതായി പിന്നീട് സ്ഥിരീകരിച്ചു. ഏത് വിമാനമാണ് തകര്‍ന്നതെന്ന കാര്യവും മറ്റ് വിവരങ്ങളും പുറത്തുവിട്ടിട്ടില്ല. പൈലറ്റുമാര്‍ക്കായി തിരച്ചില്‍ നടത്തി വരുകയാണെന്ന് വ്യോമസേന അറിയിച്ചു.
ജാർഖണ്ഡ് വ്യോമസേനാ വിമാനം തകര്‍ന്നുവീണു
