ഇലക്ട്രിക് ഓട്ടോറിക്ഷകളെടുത്ത ഉടമകൾ ജോയിന്റ് ആർടിഒയ്ക്കായി കാത്തിരിക്കുന്നു. നെടുങ്കണ്ടത്ത് മിനി സിവിൽ സ്റ്റേഷനിൽ പ്രവർത്തിക്കുന്ന ഉടുമ്പൻചോല സബ് ആർടിഒ ഓഫീസിൽ കഴിഞ്ഞ നാല് മാസത്തിലേറെയായി ജോയിന്റ് ആർടിഒ ഇല്ല.പുതിയതായി എടുത്ത ഇലക്ട്രിക് ഓട്ടോറിക്ഷകൾക്ക് സബ്സിഡി ലഭിക്കണമെങ്കിൽ അപേക്ഷകളിൽ ജോയിന്റ് ആർടിഒ തന്നെ ഒപ്പിടണം. മുമ്പിരുന്ന ജോയിന്റ് ആർടിഒ വിരമിച്ചതോടെ പകരക്കാരനായി ഈ ഓഫീസിന്റെ ചാർജ്ജ്. എന്നാൽ ഇലക്ട്രിക് വാഹനങ്ങളുടെ സബ്സിഡി നൽകുന്നതുമായി ബന്ധപ്പെട്ട അപേക്ഷകളിൽ ഒപ്പിടുവാനുള്ള അധികാരം ജോയിന്റ് ആർടിഒയ്ക്കാണ്.
പുതിയ വാഹനം എടുത്തതിന് ശേഷം അക്ഷയ കേന്ദ്രങ്ങൾ വഴി എടുത്ത അപേക്ഷ അതാത് ജോയിന്റ് ആർടിഒ ഓഫിസിൽ രജിസ്ട്രർ ചെയ്യണം. ഇത്തരത്തിൽ ലഭിച്ച അപേക്ഷകളിൽ മേൽ ആറ് മാസത്തിനുള്ളില്‍ വാഹന ഉടമകൾക്ക് സബ്സിഡി ലഭിക്കും. ഇതോടെ സബ്സിഡി ലഭിക്കാനായുള്ള അപേക്ഷകളുമായി നെടുങ്കണ്ടത്തെ ജോയിന്റ് ആർടിഒ ഓഫീസിൽ കയറി ഇറങ്ങുകയാണിവര്‍.
English Summary: Joint RTO should come to get subsidy for electric auto
You may also like this video
