ദേശവിരുദ്ധ ഉള്ളടക്കം സമൂഹ മാധ്യമത്തില്‍ പങ്കുവച്ചുവെന്ന് ആരോപിച്ച് കശ്മീര്‍വാല ന്യൂസ് പോര്‍ട്ടലിന്റെ എഡിറ്റര്‍ ഫഹദ് ഷായെ അറസ്റ്റു ചെയ്തു. സമൂഹ മാധ്യമത്തില്‍ ഫഹദ് പങ്കുവച്ച പോസ്റ്റ് ഭീകരവാദ പ്രവര്‍ത്തനങ്ങളെ പ്രശംസിക്കുന്നതും പൊതുജനത്തിനിടയില്‍ ഭീതി സൃഷ്ടിക്കുന്നതുമാണെന്ന് പൊലീസ് പറയുന്നു.
സംഭവത്തില്‍ അന്വേഷണം പുരോഗമിക്കുകയാണ്. ക്രിമില്‍ ഉദ്ദേശ്യത്തോടെയാണ് ന്യൂസ് പോര്‍ട്ടല്‍ ഉള്ളടക്കം അപ്‌ലോഡ് ചെയ്യുന്നതെന്നും പൊലീസ് പറയുന്നു. മാധ്യമ പ്രവര്‍ത്തകനെ അറസ്റ്റ് ചെയ്ത നടപടിയില്‍ ജമ്മു കശ്മീര്‍ മുന്‍ മുഖ്യമന്ത്രിയും പിഡിപി നേതാവുമായ മെഹ്ബൂബ മുഫ്തി അപലപിച്ചു.
‘സത്യത്തിന് വേണ്ടി നിലകൊള്ളുന്നത് ദേശീയ വിരുദ്ധമായി കണക്കാക്കപ്പെടുന്നു. അഗാധമായ അസഹിഷ്ണുതയുള്ള സ്വേച്ഛാധിപത്യ ഭരണകൂടത്തെ കണ്ണാടി കാണിക്കുന്നതും ദേശവിരുദ്ധമാണ്. ഫഹദിന്റെ പത്രപ്രവർത്തനം സ്വയം സംസാരിക്കുകയും കേന്ദ്രസര്‍ക്കാരിന്റെ യാഥാർത്ഥ്യത്തെ ചിത്രീകരിക്കുകയും ചെയ്യുന്നു. നിങ്ങൾ എത്ര ഫഹദിനെ അറസ്റ്റ് ചെയ്യും?” മുഫ്തി ട്വീറ്റ് ചെയ്തു.
english summary; Journalist arrested in Kashmir
you may also like this video;
