മലബാറിലെ മുതിർന്ന കമ്യൂണിസ്റ്റ് നേതാവും സാമൂഹ്യപ്രവർത്തകനുമായ നാരായണൻ മാസ്റ്ററുടെ സ്മരണാർത്ഥം ഏർപ്പെടുത്തിയ രാഷ്ട്രീയ നൈതികതാ പുരസ്കാരത്തിന് സിപിഐ സംസ്ഥാന സെക്രട്ടറി കാനം രാജേന്ദ്രനെ തെരഞ്ഞെടുത്തു. നൈതികതയും മൂല്യബോധവും ഉയർത്തിപ്പിടിച്ച് രാഷ്ട്രീയ, സാമൂഹിക രംഗങ്ങളിൽ നിസ്വാർത്ഥവും സമർപ്പിതവുമായ പ്രവർത്തനം നടത്തി മാതൃകകളാകുന്നവരെയാണ് എല്ലാ വർഷവും കെ നാരായണൻ മാസ്റ്റർ സ്മാരക രാഷ്ട്രീയ നൈതികതാ പുരസ്കാരം നൽകി ആദരിക്കുകയെന്ന് സംഘാടകർ പറഞ്ഞു.
ഈ വർഷത്തെ അവാർഡ് 17ന് കുറ്റിപ്പുറം ഫുജൈറ പാലസിൽ നടക്കുന്ന ചടങ്ങിൽ കേരളാ ഹൈക്കോടതി ജഡ്ജ് ജസ്റ്റിസ് പി വി കുഞ്ഞികൃഷ്ണൻ കാനം രാജേന്ദ്രന് സമ്മാനിക്കും. ബിനോയ് വിശ്വം എംപി, കെ ടി ജലീൽ എംഎൽഎ, ആബിദ് ഹുസൈൻ തങ്ങൾ എംഎൽഎ തുടങ്ങി രാഷ്ട്രീയസാമൂഹ്യ രംഗത്തെ പ്രമുഖര്‍ പങ്കെടുക്കും.
English Summary: K Narayanan Master Memorial Award to Kanam Rajendran
You may also like this video
