അഫ്ഗാനിസ്ഥാന്‍ കാബൂളില്‍ പള്ളിയിലുണ്ടായ സ്ഫോടനത്തില്‍ 20 പേര്‍ മരിച്ചതായും 40ഓളം പേര്‍ക്ക് പരുക്കേറ്റതായും റിപ്പോര്‍ട്ട്. കഴിഞ്ഞ ദിവസം വൈകുന്നേരമാണ് വടക്ക് പടിഞ്ഞാറന്‍ കാബൂളിലെ ഖൈര്‍ ഖാന പ്രദേശത്തെ പള്ളിയില്‍ സ്ഫോടനം നടന്നത്. സമീപത്തെ കെട്ടിടങ്ങള്‍ക്കും കേടുപാടുകള്‍ സംഭവിച്ചു. സ്ഫോടനത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല. പ്രാര്‍ഥന ചടങ്ങുകള്‍ നടക്കുന്നതിനിടെയാണ് സ്ഫോടനമുണ്ടായത്.
മരണസംഖ്യ സംബന്ധിച്ച് താലിബാന്‍ ഔദ്യോഗിക വിശദീകരണം നല്‍കിയിട്ടില്ല. പള്ളിയ്ക്കുള്ളിലാണ് സ്ഫോടനം നടന്നതെന്നും എത്രപേര്‍ മരിച്ചെന്ന് ഇതുവരെ വ്യക്തമല്ലെന്നും കാബൂള്‍ പൊലീസ് വക്താവ് ഖാലിദ് സദ്‌റാനെ ഉദ്ധരിച്ച് റോയിട്ടേഴ്‌സ് റിപ്പോര്‍ട്ട് ചെയ്തു.
English summary; Kabul mosque blast; 20 people died; 40 people were injured
You may also like this video;
