കനകമല ഐഎസ് റിക്രൂട്ട്മെന്റ് കേസിലെ പ്രതി മുഹമ്മദ് പോളക്കാണിക്ക് ഏഴ് വർഷം കഠിന തടവും മൂന്ന് ലക്ഷം രൂപ പിഴയും ശിക്ഷ. കൊച്ചിയിലെ എൻഐഎ പ്രത്യേക കോടതിയാണ് ശിക്ഷ വിധിച്ചത്. പ്രതി തന്നെ കേസിൽ കുറ്റസമ്മതം നടത്തിയതിനെ തുടർന്ന് ജഡ്ജി കെ കമനീസാണ് ശിക്ഷ വിധിച്ചത്.
തീവ്രവാദ സംഘത്തിൽ അംഗമായത്, നിയമവിരുദ്ധ പ്രവർത്തനങ്ങൾ (തടയൽ) നിയമപ്രകാരം തീവ്രവാദ പ്രവർത്തനങ്ങൾക്ക് ആളുകളെ റിക്രൂട്ട് ചെയ്തത് ഉൾപ്പെടെ ആറ് കേസുകളിൽ മുഹമ്മദ് കുറ്റക്കാരനാണെന്ന് കണ്ടെത്തിയാണ് കോടതി ഏഴ് വർഷം തടവിന് ശിക്ഷിച്ചത്.
ദക്ഷിണേന്ത്യയിൽ അൻസാറുൽ ഖിലാഫ കെഎൽ എന്ന ഭീകരസംഘത്തെ സൃഷ്ടിക്കാൻ പ്രതി ബോധപൂർവം മറ്റുള്ളവരുമായി ഗൂഢാലോചന നടത്തിയെന്നായിരുന്നു പ്രോസിക്യൂഷൻ കേസ്. 2018 ജനുവരിയിൽ സിറിയയിലെ തീവ്രവാദ സംഘടനയിൽ ചേരുന്നതിന് ഇയാൾ ജോർജിയയിൽ എത്തിയിരുന്നു.
English Summary:Kanakamala IS Recruitment; Muhammad Polakani has been sentenced to seven years rigorous imprisonment
You may also like this video
