തെരഞ്ഞെടുപ്പ് ജയിക്കാൻ ബിജെപിക്ക് വർഗീയ കലാപമുൾപ്പെടെ നിരവധി മാർഗങ്ങൾ സ്വീകരിക്കാനുണ്ടെന്ന് രാജ്യസഭാംഗം കപിൽ സിബൽ. 2024ലെ തെരഞ്ഞെടുപ്പ് വിജയിക്കാനുള്ള തയ്യാറെടുപ്പുകളുടെ മുന്നൊരുക്കമായിരുന്നു, ബംഗാളിലെ തീവയ്പ്പും കർണാടക, മഹാരാഷ്ട്ര, ഗുജറാത്ത് വർഗീയ കലാപങ്ങളുമെല്ലാം. വർഗീയ കലാപം, വിദ്വേഷ പ്രസംഗം, ന്യൂനപക്ഷ അതിക്രമം, പ്രതിപക്ഷ നേതാക്കൾക്കെതിരെ ഈഡി, സിബിഐ, ഇലക്ഷൻ കമ്മിഷൻ എന്നിവയെ ഉപയോഗിക്കൽ തുടങ്ങിയ നിരവധി മാർഗങ്ങളാണ് ബിജെപിക്കുള്ളതെന്ന് കപിൽ സിബൽ ട്വീറ്റ് ചെയ്തു.
നിലവില്‍ പല സംസ്ഥാനങ്ങളിലും ബിജെപി-ആര്‍എസ്എസ് സംഘം രാമനവമി ആഘോഷങ്ങളുടെ മറവില്‍ വ്യാപകമായ അക്രമങ്ങള്‍ അഴിച്ചുവിടുകയാണ്. പശ്ചിമ ബംഗാളിലെ ഹൗറ ജില്ലയിൽ രാമനവമി ആഘോഷത്തിനിടെ രണ്ട് ഗ്രൂപ്പുകൾ തമ്മിൽ ഏറ്റുമുട്ടിയതിന് പിന്നാലെ അക്രമവും തീവയ്പ്പും ഉണ്ടായി. ഗുജറാത്ത്, മഹാരാഷ്ട്ര, ഝാര്‍ഖണ്ഡ് എന്നിവിടങ്ങളിലും രാമനവമി ആഘോഷത്തിനിടെ അക്രമം റിപ്പോർട്ട് ചെയ്തിട്ടുണ്ട്.
Kapil Sibal Tweet, alleged that communal violence was on the table for the BJP with the 2024 general elections approaching
