കര്‍ണാടകയോട് കേന്ദ്രം വിവേചനം കാട്ടുന്നതായി മുഖ്യമന്ത്രി സിദ്ധരാമയ്യ.സംസ്ഥാനത്തെ വരള്‍ച്ച ദുരിതാശ്വാസത്തിന്കേന്ദ്രസര്‍ക്കാര്‍ ഫണ്ട് അനുവദിക്കുന്നില്ലെന്നാരോപിച്ചാണ് മുഖ്യമന്ത്രി രംഗത്തു വന്നിരിക്കുന്നത്.കേന്ദ്രത്തിനെതിരെ രൂക്ഷമായ ഭാഷയിലാണ് കര്‍ണാടക മുഖ്യമന്ത്രി വിമര്‍ശനം ഉന്നയിച്ചിരിക്കുന്നത്.കേന്ദ്രസര്‍ക്കാരിന് ദുരിതബാധിതര്‍ക്ക് സഹായം ആവശ്യപ്പെട്ടും, തൊഴില്‍ ദിനങ്ങള്‍ വര്‍ദ്ധിപ്പിക്കണമെന്നും ആവശ്യപ്പെട്ട് അയച്ചകത്തുകള്‍ക്ക് മറുപടിയുമില്ല.
കർണാടക സർക്കാർ സംസ്ഥാനത്തെ 236 താലൂക്കുകളിൽ 223 എണ്ണവും വരൾച്ചബാധിതമായി പ്രഖ്യാപിച്ചു.കുടിവെള്ള വിതരണം, കന്നുകാലികൾക്ക് തീറ്റ നൽകൽ, ജനങ്ങൾക്ക് തൊഴിൽ നൽകൽ തുടങ്ങി എല്ലാ വരൾച്ച ദുരിതാശ്വാസ പ്രവർത്തനങ്ങളും ആരംഭിച്ചതായും സിദ്ധരാമയ്യ പറഞ്ഞു.മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ (എംജിഎൻആർഇജിഎസ്) തൊഴിൽ ദിനങ്ങൾ വർഷത്തിൽ 100 ദിവസത്തിൽ നിന്ന് 150 ദിവസമായി വർധിപ്പിക്കാൻ സംസ്ഥാനം തീരുമാനിച്ചിട്ടുണ്ടെന്നും എന്നാൽ കേന്ദ്രസർക്കാർ ഇത് നടപ്പാക്കണമെന്നും സിദ്ധരാമയ്യ ആവശ്യപ്പെട്ടു. ഇതിനുള്ള അനുമതിക്കായി സംസ്ഥനം കേന്ദ്രത്തിന് കത്തെഴുതിയിട്ടുണ്ട്, പക്ഷേ ഇന്നുവരെ ഒരു മറുപടിയും ഉണ്ടായിട്ടില്ലെന്നും മുഖ്യമന്ത്രി അഭിപ്രായപ്പെട്ടു .
കേന്ദ്രത്തിൽ നിന്ന് ആശ്വാസം തേടി സംസ്ഥാന സർക്കാർ വരൾച്ച നിവേദനം നൽകിയിട്ട് ഒരു മാസത്തിലേറെയായെന്നും തുടർന്ന് കേന്ദ്ര സംഘവും പരിശോധനയ്ക്കായി സംസ്ഥാനത്തെത്തി ഒരു പൈസ പോലും വരൾച്ചയായി നൽകിയിട്ടില്ലെന്നും സിദ്ധരാമയ്യ പറഞ്ഞു. സംസ്ഥാനത്തിനുള്ള വരൾച്ച ദുരിതാശ്വാസ ഫണ്ട് അനുവദിക്കുന്നതിൽ കേന്ദ്ര സർക്കാർ കാലതാമസം വരുത്തുന്നതിൽ കർണാടക മന്ത്രിസഭ കഴിഞ്ഞ ദിവസം കടുത്ത ആശങ്ക രേഖപ്പെടുത്തി.
സംസ്ഥാനത്തിന് വരൾച്ച ദുരിതാശ്വാസ ഫണ്ട് അനുവദിക്കുന്നതിനുള്ള നടപടികൾ വേഗത്തിലാക്കാൻ സിദ്ധരാമയ്യ കഴിഞ്ഞ ആഴ്ചയും കേന്ദ്ര ആഭ്യന്തര മന്ത്രി അമിത് ഷാ, കേന്ദ്ര ധനമന്ത്രി നിർമല സീതാരാമൻ, കേന്ദ്ര കൃഷി മന്ത്രി നരേന്ദ്ര സിംഗ് തോമർ എന്നിവർക്ക് കത്തെഴുതിയിരുന്നു.വരൾച്ച പ്രഖ്യാപിക്കുന്നതിന് മാനദണ്ഡങ്ങളിൽ മാറ്റം വരുത്തണമെന്ന് ആവശ്യപ്പെട്ട് കേന്ദ്രത്തിന് കത്തയച്ചെങ്കിലും അതിനും മറുപടിയില്ലെന്നും മുഖ്യമന്ത്രി ചൂണ്ടിക്കാട്ടി. അവർ (കേന്ദ്രം) ഒരു മാറ്റവും വരുത്തുകയോ എന്റെ കത്തിന് മറുപടി നൽകുകയോ ചെയ്തിട്ടില്ലെന്നും മുഖ്യമന്ത്രി സിദ്ധരാമയ്യ പറഞ്ഞു.സിദ്ധരാമയ്യയെ മുഖ്യമന്ത്രി സ്ഥാനത്ത് നിന്ന് താഴെയിറക്കാൻ ഉപമുഖ്യമന്ത്രി ഡി കെ ശിവകുമാർ ഗൂഢാലോചന നടത്തുകയാണെന്ന ബിജെപി സംസ്ഥാന അധ്യക്ഷൻ ബി വൈ വിജയേന്ദ്രയുടെ പരാമർശത്തെക്കുറിച്ചുള്ള ചോദ്യത്തിന് മറുപടിയായി, ഞങ്ങളുടെ പാർട്ടി പ്രശ്നങ്ങൾ ഞങ്ങൾ പരിശോധിക്കുമെന്നും അദ്ദേഹം കൂട്ടിചേര്‍ത്തു
English Summary:
Karnataka criticized in harsh language for central neglect
You may also like this video:
