ഡൽഹി മുഖ്യമന്ത്രി അരവിന്ദ് കെജ്‌രിവാളിന്റ കസ്റ്റഡി ഏപ്രിൽ 1 വരെ നീട്ടി. ഡല്‍ഹിയിലെ റോസ് അവന്യൂ കോടതിയാണ് നാല് ദിവസത്തേക്ക് ദിവസത്തേക്കുകൂടി നീട്ടിയത്.
മദ്യനയക്കേസില്‍ കേസിൽ കൂടുതൽ ചോദ്യം ചെയ്യുന്നതിനായി കെജ്‌രിവാളിന്റെ കസ്റ്റഡി കാലാവധി ഏഴു ദിവസത്തേക്ക് നീട്ടണമെന്ന് ഇഡി ആവശ്യപ്പെട്ടിരുന്നു. എഎപിയെ തകർക്കാനാണ് അന്വേഷണ ഏജൻസി ശ്രമിക്കുന്നതെന്ന് കെജ്‌രിവാൾ ആരോപിച്ച് മണിക്കൂറുകൾക്കുള്ളിലാണ് കോടതി ഉത്തരവ് വന്നത്. അതേസമയം അരവിന്ദ് കെജ്‌രിവാൾ അന്വേഷണവുമായി സഹകരിക്കുന്നില്ലെന്ന് എൻഫോഴ്‌സ്‌മെൻ്റ് ഡയറക്ടറേറ്റും കോടതിയിൽ പറഞ്ഞു.
കെജ്‌രിവാൾ മൊബൈൽ ഫോണിന്റെ പാസ്‌വേഡ് വെളിപ്പെടുത്തിയിട്ടില്ല, ചോദ്യങ്ങൾക്ക് അദ്ദേഹം നേരിട്ട് ഉത്തരം നൽകുന്നില്ല എന്നിങ്ങനെയാണ് അന്വേഷണ ഏജൻസിയുടെ പരാതി.
English Summary: Kejriwal’s custody extended for another four days
You may also like this video
