കേരളത്തിന്റെ തനതു പദ്ധതികളായ ഡിജിറ്റൽ സർവകലാശാല, ഓൺലൈൻ വിദ്യാഭ്യാസം, എം സേവനം, ഒപ്റ്റിക്കൽ ഫൈബർ വ്യാപനം എന്നിവയാണ് കേന്ദ്രബജറ്റിലും പുതിയ പദ്ധതികളായി ഇടം നേടിയത്. പ്രധാനമന്ത്രിയുടെ ഇ‑വിദ്യ പദ്ധതി പ്രകാരം ‘വണ്‍ ക്ലാസ് വണ്‍ ടിവി ചാനല്‍’ പദ്ധതി ആരംഭിക്കുമെന്ന് ധനമന്ത്രി നിര്‍മ്മല സീതാരാമന്‍ ബജറ്റ് പ്രസംഗത്തില്‍ പ്രഖ്യാപിച്ചു. സംസ്ഥാനത്ത് വിജയകരമായി പ്രവര്‍ത്തിച്ചുവരുന്ന വിക്ടേഴ്സ്, വിക്ടേഴ്സ് പ്ലസ് ചാനലുകളാണ് ഈ പദ്ധതിയുടെ വഴികാട്ടി. കോവിഡ് കാലത്ത് ഓണ്‍ലൈന്‍ വിദ്യാഭ്യാസത്തില്‍ ഏറെ ശ്രദ്ധേയമായി വിക്ടേഴ്സ് ചാനലുകള്‍ മാറിയിരുന്നു.
ഒപ്ടിക്കല്‍ ഫൈബര്‍ ശൃംഖലയുടെ വ്യാപനം 2025 ഓടെ നടപ്പാക്കുന്നതിനാണ് പദ്ധതി പ്രഖ്യാപിച്ചിരിക്കുന്നത്. അതേസമയം കേരളത്തിന്റെ സ്വപ്നപദ്ധതിയായ കെഫോണ്‍ ഉടന്‍ തന്നെ പ്രവര്‍ത്തനം തുടങ്ങും. സംസ്ഥാനത്ത് നിലവില്‍ ഒട്ടുമിക്ക സര്‍ക്കാര്‍ സേവനങ്ങളും മൊബൈല്‍ ഫോണുകളിലൂടെ ലഭ്യമാണ്. ഡിജിറ്റല്‍ സര്‍വകലാശാലയുടെ പ്രവര്‍ത്തനങ്ങളാകട്ടെ കഴിഞ്ഞവര്‍ഷംതന്നെ ആരംഭിച്ചിട്ടുണ്ട്.
ENGLISH SUMMARY:Kerala as a guide in the central budget too
You may also like this video
