കേരളത്തിലെ തീവ്ര വോട്ടർപട്ടിക പരിഷ്കരണത്തിന് ശേഷമുള്ള അന്തിമ വോട്ടർപട്ടിക പ്രസിദ്ധീകരിച്ചു. പട്ടികയിൽ 2.69 കോടി വോട്ടർമാരാണുള്ളത്. ഏകദേശം ഒമ്പത് ലക്ഷം പേർ പട്ടികയിൽ നിന്ന് പുറത്തായെങ്കിലും, നിയമസഭ തെരഞ്ഞെടുപ്പ് നാമനിർദേശ പത്രിക നൽകുന്ന അവസാന ദിവസം വരെ പേര് ചേർക്കാൻ അവസരമുണ്ട്. ഒക്ടോബറില് പ്രസിദ്ധീകരിച്ച പട്ടികയില് 2.78 കോടി വോട്ടര്മാരാണ് ഉണ്ടായിരുന്നത്.
മരണപ്പെട്ടവർ, വിദേശ പൗരത്വം സ്വീകരിച്ചവർ ഉൾപ്പെടെയാണ് ഒഴിവാക്കിയത്. പട്ടികയിൽ 1,31,26,048 പുരുഷന്മാരും 1,38,27,319 സ്ത്രീകളുമാണുള്ളത്. ട്രാൻസ്ജെൻഡർ-277, പ്രവാസി വോട്ടര്മാര്-2,23,558, സര്വീസ് വോട്ടര്മാര് — 54,110 എന്നിങ്ങനെയാണ്.