കേരള ഓര്‍ത്തോപീഡിക് അസോസിയേഷന്റെ (കെ ഒ എ) കോണ്‍ഫറന്‍സ് ഹാളിന്റെ ഉത്ഘാടനം കെഒഎ മുന്‍ പ്രസിഡന്റ് ഡോ. കെ പി റാം കുമാര്‍ നിര്‍വഹിച്ചു. ഞായറാഴ്ച കൊച്ചി ഐഎംഎ ഹൌസില്‍ വെച്ച് നടന്ന ചടങ്ങില്‍ കെഒഎ പ്രസിഡന്റ് ഡോ. റാം മോഹന്‍ കെ പി അധ്യക്ഷത വഹിച്ചു. കെഒഎ സെക്രട്ടറി ഡോ. സുബിന്‍ സുഗത് സ്വാഗതം ആശംസിച്ചു. കെഒഎ മൊബൈല്‍ ആപ്പിന്റെ ഉത്ഘാടവും ഡോ. റാം മോഹന്‍ കെ പി നിര്‍വഹിച്ചു. കെഒഎ മുന്‍ പ്രസിഡന്റുമാരെ ചടങ്ങില്‍ ആദരിച്ചു. കെഒഎയുടെ ചരിത്രത്തെ ആധാരമാക്കി ഡോ. എം വിജയമോഹന്‍ നിര്‍മിച്ച വീഡിയോയുടെ പ്രദര്‍ശനവും വേദിയില്‍ നടന്നു. ഐഎംഎ ബില്‍ഡിങ് കമ്മിറ്റി അധ്യക്ഷന്‍ ഡോ. വി പി കുരിയിപ്പ്, ഐഎംഎ അംഗം ഡോ. എം നാരായണന്‍, കെഒഎ പ്രസിഡന്റ് ഇലക്റ്റഡ് ഡോ. എസ് രാമകൃഷ്ണന്‍, വൈസ് പ്രസിഡന്റ് ഡോ. ശശികുമാര്‍ സി എന്നിവര്‍ ആശംസകള്‍ നേര്‍ന്നു. ട്രഷറര്‍ ഡോ. അന്‍സു ആനന്ദ് എ നന്ദി പ്രകാശിപ്പിച്ചു .
ENGLISH SUMMARY:Kerala Orthopedic Association Chambers inaugurated
You may also like this video
