കോഴിക്കോട് കോർപറേഷൻ ഇ എം എസ് സ്റ്റേഡിയത്തിൽ നടന്ന എലൈറ്റ് കേരള പ്രീമിയർ ലീഗിൽ സെൻ്റ് ജോസഫ് കോളേജ് കേരള പൊലീസിനെ സമനിലയിൽ (1 — 1) തളച്ചു. 19-ാം മിനിറ്റിൽ സുജിൽ നേടിയ ഗോൾ കേരള പൊലീസിനെ മുന്നിലെത്തിച്ചു.
എന്നാൽ 70-ാം മിനിറ്റിൽ സെൻ്റ് ജോസഫ് കോളേജിനു വേണ്ടി അർഷാദ് നേടിയ ഗോൾ മത്സരം സമനിലയിലെത്തിച്ചു. നിർണായക സേവുകൾ നടത്തിയ കേരള പൊലീസ് ഗോൾകീപ്പർ മുഹമ്മദ് അസ്ഹറിനെ കളിയിലെ താരമായി തെരഞ്ഞെടുത്തു. ഈ മത്സരത്തോടെ കേരള പൊലീസ് മൂന്ന് മത്സരങ്ങളിൽ നിന്നായി അഞ്ച് പോയിൻ്റു നേടി. സെൻറ് ജോസഫ് കോളേജിന് മൂന്ന് മത്സരങ്ങളിൽ നിന്നായി ഒരു പോയിൻ്റാണ് നേടാനായത്.