കുടുംബശ്രീ — ദേശീയ നഗര ഉപജീവനമിഷൻ സ്പാർക്ക് റാങ്കിങിൽ കേരളം ഒന്നാംസ്ഥാനം കരസ്ഥമാക്കി. ആദ്യമായാണ് കേരളം സ്പാർക്ക് റാങ്കിങിൽ ഒന്നാമതെത്തുന്നത്. 20 കോടി രൂപയാണ് സമ്മാനത്തുക. നഗരദരിദ്രരുടെ ഉന്നമനം ലക്ഷ്യമിട്ടുള്ള ദേശീയ നഗര ഉപജീവനമിഷൻ പദ്ധതി സംസ്ഥാനത്ത് നടപ്പിലാക്കുന്നത് കുടുംബശ്രീ മിഷനാണ്. പദ്ധതി നിർവഹണത്തിന്റെ മികവ് പരിഗണിച്ചാണ് കേന്ദ്ര ഭവന നഗരകാര്യ മന്ത്രാലയം ദേശീയ തലത്തിൽ എല്ലാ വർഷവും സംസ്ഥാനങ്ങൾക്ക് സ്പാർക്ക് റാങ്കിങ് അവാർഡുകൾ നൽകുന്നത്. 2018–19 സാമ്പത്തിക വർഷം കേരളത്തിന് രണ്ടാംസ്ഥാനവും 2019–20 വർഷം മൂന്നാംസ്ഥാനവും ലഭിച്ചു.
English Summary: Kerala tops Spark rankings
You may also like this video
