മധ്യപ്രദേശിലെ ഖാര്‍ഗാവില്‍ രാമനവമിക്കിടെയുണ്ടായ സംഘര്‍ഷവുമായി ബന്ധപ്പെട്ട് 175 പേരെ പൊലീസ് അറസ്റ്റ് ചെയ്തു. സംഭവത്തില്‍ ഇതുവരെ 64 എഫ്ഐആറുകള്‍ രജിസ്റ്റര്‍ ചെയ്തിട്ടുണ്ടെന്നും പൊലീസ് പറഞ്ഞു.
സംഘര്‍ഷത്തിനിടെ പൊലീസ് സൂപ്രണ്ട് സിദ്ദാര്‍ത്ഥ് ചൗദരിയെ വെടിവച്ച മൊഹ്സിനെ കഴിഞ്ഞദിവസം പൊലീസ് അറസ്റ്റ് ചെയ്തിരുന്നു. സാങ്കേതിക തെളിവുകളുടെ അടിസ്ഥാനത്തില്‍ ഇയാളെ ചോദ്യം ചെയ്തുവരികയാണ്.
രാമനവമിഘോഷയാത്രയ്ക്കിടെ ഉണ്ടായ സംഘര്‍ഷത്തില്‍ ഒരാള്‍ കൊല്ലപ്പെട്ടിരുന്നു. നിരവധി വീടുകളും വാഹനങ്ങളും അഗ്നിക്കിരയാകുകയും ചെയ്തു. സംഭവത്തിന് പിന്നാലെ മുസ്‌ലിം വിഭാഗക്കാരുടെ വീടുകള്‍ തിരഞ്ഞുപിടിച്ച് ഇടിച്ചുനിരത്തിയ ബിജെപി സര്‍ക്കാരിന്റെ നടപടിയും ഏറെ വിവാദമായിരുന്നു.
English summary;Khargaon clash: 175 arrested
You may also like this video;
