കൂ ആപ്പ് ഉപയോക്താക്കൾ ഒരു കോടിയായി

കൂ ആപ്പ് ഉപയോക്താക്കളുടെ എണ്ണം ഒരു കോടിയായി. ട്വിറ്ററിന് ബദലായി എത്തിയ കൂ ആപ്പ് നിലവില്‍വന്ന് 16 മാസത്തിന് ശേഷമാണീ നേട്ടം. ഉപയോക്താക്കളില്‍ 85 ശതമാനം പേരും കഴിഞ്ഞ ഫെബ്രുവരിയിലാണ് കൂ ആപ്പില്‍ ചേര്‍ന്നത്.

മറ്റ് ആപ്പുകളില്‍നിന്നും വിഭിന്നമായി മാതൃഭാഷയിലൂടെയും കൂ ആപ്പിൽ കാര്യങ്ങള്‍ അവതരിപ്പിക്കാം.
ഒരു വര്‍ഷം കൊണ്ട് 10 കോടി ഉപഭോക്താക്കളെ ലക്ഷ്യമിടുന്നതായി കൂ ആപ്പിന്റെ സഹസ്ഥാപകനും സിഇഒയുമായ അപ്രമേയ രാധാകൃഷ്ണ പറഞ്ഞു. 

ദക്ഷിണേഷ്യ, ആഫ്രിക്ക, ദക്ഷിണ അമേരിക്ക, ഈസ്റ്റേണ്‍ യൂറോപ്പ് എന്നിങ്ങനെ ഇംഗ്ലീഷ് പ്രാധാന്യമില്ലാത്ത രാജ്യങ്ങളിലേക്ക് കൂ ആപ്പ് വ്യാപിപ്പിക്കാനായി കമ്പനി പദ്ധതിയിടുന്നുണ്ടെന്നും അദ്ദേഹം പറഞ്ഞു. ട്വിറ്ററും കേന്ദ്രസര്‍ക്കാരും തമ്മില്‍ പ്രശ്‌നങ്ങള്‍ ഉടലെടുത്ത സാഹചര്യത്തിലാണ് കൂ ആപ്പ് കൂടുതല്‍ പ്രസക്തമായത്. ട്വിറ്ററിന്റെ നടപടികള്‍ക്കെതിരേ നിരവധി തവണ കേന്ദ്രസർക്കാർ രംഗത്തുവന്നിരുന്നു. 

ENGLISH SUMMARY:Koo app has reached one crore users
You may also like this video