ഗാന്ധി പീസ് ഫൗണ്ടേഷന്റെ കക്കോടി മോരിക്കര ഗാന്ധി സ്‌ക്വയറിലെ ഗാന്ധി പ്രതിമയുടെ തല വെട്ടിമാറ്റിയ നിലയില്‍. ശനിയാഴ്ച രാത്രിയോടെയാണ് സംഭവം. നാല് വര്‍ഷത്തിലേറെയായി ഈ പ്രദേശത്ത് ഗാന്ധി പീസ് ഫൗണ്ടേഷന്റെ നേതൃത്വത്തില്‍ ഗാന്ധി സ്‌ക്വയര്‍ നിലനില്‍ക്കുന്നുണ്ട്. കഴിഞ്ഞ ദിവസം ഗാന്ധി സ്‌ക്വയറില്‍ നേതാക്കളുടെ ഫോട്ടോ തകര്‍ത്ത സംഭവത്തില്‍ പൊലീസ് അന്വേഷണം നടക്കുന്നതിനിടയിലാണ് വീണ്ടും ആക്രമം.
സംഭവത്തിന് പിന്നില്‍ രാഷ്ട്രീയമില്ലെന്നും സ്ഥലത്തിന്റെ ഉടമസ്ഥത സംബന്ധിച്ച് രണ്ടു വ്യക്തികള്‍ തമ്മില്‍ തര്‍ക്കം നിലനിന്നിരുന്നതായും ഈ തര്‍ക്കമാണ് പ്രതിമ തകര്‍ക്കുന്നതിലേക്ക് എത്തിച്ചതെന്നും ചേവായൂര്‍ പൊലീസ് വ്യക്തമാക്കി. രണ്ട് സെന്റ് സ്ഥലത്തുള്ള ഈ പ്രതിമയുമായി ബന്ധപ്പെട്ട ഉടമസ്ഥ തര്‍ക്കം നേരത്തെ വില്ലേജ് ഓഫീസറുടെ മധ്യസ്ഥതയില്‍ തീര്‍പ്പാക്കിയിരുന്നു. ഇതിനു വഴങ്ങാത്ത സ്ഥല ഉടമകളില്‍ ഒരാളാണ് പൊലീസില്‍ പരാതി നല്‍കിയതിന്റെ പ്രതികാരമായി ഗാന്ധി പ്രതിമയുടെ തല മുറിച്ചു മാറ്റിയതെന്ന് സംശയം. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചു.
English Summary:Kozhikode Gandhi statue with severed head
You may also like this video
