കെഎസ്എഫ് ഡിസിയുടെ നേതൃത്വത്തിൽ തമ്പാനൂർ കൈരളി, ശ്രീ, നിള തിയേറ്റർ കോംപ്ലക്സിൽ ഒരുക്കിയ സഖി ഡോർമറ്ററിയുടെ ഉദ്ഘാടനം സാംസ്കാരിക മന്ത്രി സജി ചെറിയാൻ നാളെ രാവിലെ 11ന് നിർവഹിക്കും. ആന്റണി രാജു എംഎൽഎ അധ്യക്ഷത വഹിക്കും. മന്ത്രി വീണാ ജോർജ് ഡോർമറ്ററിയുടെ ആദ്യ ഓൺലൈൻ ബുക്കിങ് നടത്തും.
24 മണിക്കൂർ ചെക്കൗട്ട് വ്യവസ്ഥയിൽ ‘സഖി’ യിൽ 500 രൂപയും ജിഎസ്‌ടിയും നിരക്കിൽ താമസ സൗകര്യം ലഭിക്കും. എയർ കണ്ടീഷൻഡ് ആയ ഡോർമറ്ററിയിൽ 12 ബെഡുകളാണ് സജ്ജീകരിച്ചിരിക്കുന്നത്. ഫ്രീ വൈഫൈ, ലാന്റ് ഫോൺ ഫെസിലിറ്റി, അറ്റാച്ച്ഡ് വാഷ് റൂമുകൾ, ബെഡ് ഷീറ്റ്, ടൗവൽ, സോപ്പ്, കുടിവെള്ളം, കോമൺ ഡ്രസ്സിങ് റൂം, നാപ്കിൻ വെൻഡിങ് മെഷീൻ, ഇൻസിനേറ്റർ എന്നീ സൗകര്യങ്ങളുമുണ്ട്. ടൂ വീലർ, ഫോർ വീലർ പാർക്കിങ് സൗകര്യം, സെക്യൂരിറ്റി, ലോക്കർ ഫെസിലിറ്റി എന്നിവ സഖിയുടെ മറ്റ് സവിശേഷതകളാണ്. കേരള സംസ്ഥാന വനിതാ വികസന കോർപറേഷന്റെ സേഫ് സ്റ്റേ മൊബൈൽ ആപ്പ് വഴി ഡോർമറ്ററി ബുക്ക് ചെയ്യാം.
കെഎസ്എഫ്ഡിസി ചെയർമാൻ ഷാജി എൻ കരുൺ, എംഡി ആഷിക് ഷെയ്ഖ്, വനിതാ വികസന കോർപറേഷൻ ചെയർപേഴ്സൺ കെ സി റോസക്കുട്ടി, എംഡി ബിന്ദു വി സി, വാർഡ് കൗൺസിലർ ഹരികുമാർ, ജിത്തു കോളയാട് എന്നിവർ പങ്കെടുക്കും.