ചേർത്തലയിൽ കെഎസ്ആർടിസി സ്വിഫ്റ്റ് ബസ് അപകടത്തിൽപ്പെട്ടു. ഇന്ന് പുലർച്ചെ അഞ്ച് മണിയോടെയാണ് അപകടമുണ്ടായത്. ബസിൽ ഉണ്ടായിരുന്ന 28 പേർക്ക് പരിക്കേറ്റു. ഇവരിൽ ഒമ്പത് പേരുടെ നില ഗുരുതരമാണ്. ബസ് ഡ്രൈവർക്കും കണ്ടക്ടർക്കും ഗുരുതര പരിക്കേറ്റിട്ടുണ്ട്.
കോയമ്പത്തൂരിൽ നിന്ന് തിരുവനന്തപുരത്തേക്ക് പോയ ബസാണ് അപകടത്തിൽപ്പെട്ടത്. ചേർത്തലയിലെ ദേശീയപാത നിർമാണം നടക്കുന്ന സ്ഥലത്തേക്ക് ബസ് നിയന്ത്രണം വിട്ട് ഇടിച്ചു കയറിയാണ് അപകടമുണ്ടായത്. നിർമാണം നടക്കുന്ന പാലത്തിലേക്ക് ബസ് ഇടിച്ചു കയറുകയായിരുന്നു.