സഹകരണ സംഘങ്ങൾ മുഖേന ഓഗസ്റ്റ് മാസത്തെ കെഎസ് ആർടിസി പെൻഷൻ വിതരണം ആരംഭിച്ചു. 42,180 കെഎസ്ആർടിസി പെൻഷൻകാര്‍ക്ക് 69,78,23,086 രൂപയാണ് വിതരണം ചെയ്യുന്നത്. ജില്ലാ അടിസ്ഥാനത്തിലുള്ള ലിസ്റ്റും പെൻഷൻ ജീവനക്കാരുടെ സൊസൈറ്റി ലിസ്റ്റും ഉള്ളടക്കം ചെയ്ത് രജിസ്ട്രാർ, കോ-ഓപ്പറേറ്റീവ് സൊസൈറ്റീസിന് കൈമാറിയിട്ടുണ്ട്.
ഓഗസ്റ്റ് മാസത്തെ പെൻഷൻ വിതരണത്തിന് കൺസോർഷ്യം രൂപീകരിച്ച് രജിസ്ട്രാർ ഉത്തരവ് പുറപ്പെടുവിച്ചിരുന്നു. കൺസോർഷ്യത്തിൽ നിക്ഷേപമായി വന്ന തുക തിരുവനന്തപുരം, കൊല്ലം, പത്തനംതിട്ട, ഇടുക്കി, എറണാകുളം, തൃശൂർ, വയനാട്, കാസർകോട് എന്നീ ജില്ലകളിലെ പെൻഷൻ വിതരണത്തിന് ബന്ധപ്പെട്ട സംഘങ്ങൾക്ക് നൽകി. കൺസോർഷ്യത്തിലേക്കുള്ള നിക്ഷേപം വരുന്ന മുറയ്ക്ക് മറ്റു ജില്ലകളിലേക്കുള്ള പെൻഷൻ തുകയും ഉടൻ വിതരണം ചെയ്യും.